بقلم ايه حمام

الجزء الاول 1
هتعملي إيه لو إتجوزت عليك.
بطل بواخة وبلاش السيرة الۏحشة دي بقا ومتضيعش لذة السهرة دي.
بتكلم بجد يا آية.
أنا كمان بتكلم بجد يا غيث الموضوع دا بيضايقني وأعتقد أنت عارف كدا كويس.
ولو عايز حقيقي تعرف ردة فعلي ف أعتقد إني وقتها ممكن أخلي العروسة الجديدة تبقى أرملة وأنا هحصلك أكمل عليك في الآخرة يا حبيبي..
طب إكتمي بقا.
قالها وهو بيشدني لحضنه وبيبوس راسي طب ليه سيرة النكد من الأول طالما مش هيقبل ردودي!!
رفعت راسي بعد شوية وقت وإتكلمت
عايزين نروح للدكتورة تاني يا غيث..
ما تسيبي الأمور تمشي زي ما هي يا آية بلاش..
بقالنا خمس سنين يا غيث خمس سنين والأمور واقفة.. أنا عايزة أكون أم ل طفل منك عايزة أعمل أسرة وأحس بكياني وإني مش ناقصة.
يا حبيبتي لا عاش ولا كان إل يقول إنك ناقصة أنت ست الناس كلهم وتاج راسهم.. أنا بس مش بقدر أشوف حزنك في كل مرة وإحنا راجعين من عندها بأخبار مش حلوة.
طب نجرب ونروح آخر مرة أنا باخد العلاج مظبوط والله وقلبي حاسس إن بجد هنسمع خبر كويس المرة دي علشان خاطري يا غيث.
حاضر يا آية الأجازة الجاية ليا إن شاء الله هنروح بس أنت صفي ذهنك وخليك كويسة وبخير دا أهم عندي من أي شيء.
ربنا يديمك ليا ويديم حنيتك على قلبي دايما يا حبيبي.
رجعت ل حضنه تاني نكمل مشاهدة للتلفزيون لحد ما نمنا صحيت تاني يوم جهزت له حاجاته ال هيحتاجها في سفره.
بيسافر في شغله طول الأسبوع وييجي لي الخميس والجمعة.
خمس أيام بيعدوا عليا كإنهم دهر لكن بالله أول ما بسمع تكة المفتاح بتاعته أو بشوفه داخل عليا بعد غياب الأيام دي بنسى كل شيء والدنيا بتوسع بيا وفرحتي بتكون مش سايعاني.
غيث يبقى شخص وجوده في حياتي بمثابة دواء لأي داء!
يا غيث إتأخرت أوي المرة دي.. أنت عارف إني مش بحب الوحدة.
حقك عليا والله بس بجد ڠصب عني هحاول في أقرب وقت نخلص كل الشغل وأرجع لك… أنت عارفة إن مرجوعي لحضنك.
طب أنت كويس شكلك يقول إنك مش بخير مالك يا حبيبي
متقلقيش أنا كويس.
متخبيش عليا يا غيث لو حاسس إنك تعبان سيب الشغل حتى لو هيخصموا لك وتعالى متضغطش نفسك وتيجي عليها علشان أي حاجة تانية يا حبيبي أنت عندي أهم.
حاضر يا حبيبتي أنت متغفليش بس عني في الدعاء.
بدعيلك قبل ما بدعي لي والله.
يديمك يا غالية هقفل بقا علشان إتأخرت.
طب خلي بالك على نفسك يا غيث أنا مليش غيرك.
قفلت معاها ورجعت بضهري وأنا بتنهد على الحال ال وقعت فيه مليش وش أروح لها وأواجهها بالحقيقة يعز عليا ۏجعها يعز عليا أشوف دمعة عينها…
واقع في ورطة من شهور وحاليا أنا بين حربين حرب إني وافقت أعمل ال عملته
وحرب في قلبي من خۏفي لو عرفتها الحقيقة..!
يلا علشان الفطار يا غيث.
مش هفطر وياريت تعرفي بابا إن آخري هنا أسبوع وهسافر لمراتي ال سايبها بقالي شهر لوحدها.
طيب يا حبيبي هقول له بس بالله عليك بلاش تعاند أو تتخانق معاه تاني.
بقاله أربع أسابيع غايب عن عيني بشوفه لما بكلمه أها يوميا بس برضه وجوده قدامي هنا يفرق أوي.
محتاجاه علشان أتطمن عليه وعليا بقالي أسبوعين تعبانة ومش عارفة أروح أكشف لوحدي ومستنياه وأهو أخيرا هيجبر قلبي وهينور بيته من تاني النهاردة.
آية.
في المطبخ يا نور عينها.
كنت لسة بحط الصينية في الفرن وسمعت صوته من فرحتي حطيتها بسرعة ومظبطتش الحرارة ويادوب شطفت إيدي
ولفيت
لقيته داخل عليا جريت قربت عليه وحضنته جامد وأنا بعوض فترة غيابه وإتكلمت بدموع
كل دا يا غيث هو أنا بقدر أستحمل ال خمس أيام لما تخليني أعيش زيهم ست مرات!!
طب أنت قدرت!
حقك على عيني مكنش بإيدي والله.
وبعدين كانت فترة رخمة وباردة علشان كنت بعيد عنك.
متكررهاش تاني بقا.
خبطته في كتفه وأنا بقولها ف مسك إيدي باسها ف رجعت أتكلم تاني وأنا ببص على ملامحه
خاسس وملامحك بهتانة ليه أنت تعبان
مفيش حد يبقى تعبان قصادك وبعد النظرة ليك يا آية.
طب تعالى إدخل خد دش على ما الأكل يخلص أنا عاملة لك صينية مكرونة ال بتحبها وإعمل حسابك هتحكي لي كل حاجة باليل.
تسلم…
مكملش الجملة وشمينا ريحة شياط بعدت عنه بسرعة وروحت ناحية الفرن علشان أشوف صينية المكرونة مبقاش لها علاقة بال كانت هتكون عليه خالص!
طلعتها وبصيت عليها بعدين رجعت بصيت له وإتكلمت قبل ما ألمح ضحكته ال بيحاول يمنعها
بالله قل لي إنها مباظتش أنا تعبت فيها وعملتها علشانك…
ثواني أنت بتضحك يا غيث
فداك يا حبيبة غيث هطلب أكل النهاردة وأنت إبقي عوضيها يوم تاني.
باس راسي ودخل ياخد دش وأنا فضلت أبص على الصينية لحد ما استسلمت وبدأت أنضف الفرن مكانها على ما هو يخلص.
الحمدلله إني كنت عاملة الچيلي من الصبح ومحصلش المكرونة.
يا حبيبتي لعله خير يمكن لو كانت كملت كان حصل لنا حاجة قولي قدر الله وما شاء فعل.
الحمدلله.
إحكيلي بقا يلا ال حصل معاك الفترة ال فاتت.
استغربت لما ساب الطبق وملامحه إتغيرت مسكت إيده ولفيت وشه ليا قبل ما أتكلم
مالك يا حبيبي حصل إيه
مفيش بس افتكرت حاجة مش حلوة.
طب روق كدا وإتكلم في أي حاجة تانية غيرها علشان تتوهها وتنساها.
طب هحكي لك حاجة ومحتاج رأيك..
معاك يا حبيبي.
واحد صاحبي إتحط في موقف صعب عمل حاجة مستحيل كان يتصور إنه يعملها.
هو متجوز
أيوا..
يلهوي!! خان مراته!
لاء مش للدرجة هو إتجوز عليها..
من غير ما تعرف
كان ڠصب عنه.
دا ياريته كان خاڼها أو ياريته إيه بقا
ما هو كدا يعتبر خاڼها برضه.
أبوه هو السبب هو ال هدده وأجبره على كدا إنما هو عمره ما كان هيعمل كدا من نفسه.
أبوه إيه يا غيث الحاجات دي كانت في المسلسلات القديمة وإنتهت من بداية الألفينات يا حبيبي ثم إن دا مش مبرر أصل موضوع الزواج دا بالذات مينفعش فيه الإجبار وكمان دا رجل مش بنت علشان أهله يجبروه على الزواج!
طب هو يعمل إيه دلوقتي
معرفش خاېفة أقول لك يصارح مراته ف تقرر تسيبه أو يسيبها بظروفها مع الوقت تعرف هي بطريقة تانية وتسيبه برضه.
بس ال أعرفه إن في كلتا الحالتين هي هتتوجع جامد يا غيث خاصة لو بتحبه.
دي الواحدة بتغير على زوجها من أخته ومامته ما بالك بقا من واحدة تانية هتشاركها فيه!! صعب أوي حقيقي.
لو أنت مكانها هتعملي إيه
بعد الشړ طبعا مجرد التفكير في حاجة زي كدا قولت لك بتضايقني وتوجعني..
بعدين معرفش ال هقوله دا صح ولا لاء بس الحمدلله إن باباك مش عايش علشان كان وقتها ممكن أحس إنك فعلا ممكن تعملها.
وكمان أنا واثقة فيك وفي حبك.
حضڼي جامد وإتنهد جامد أكتر استغربت شوية حاسة إن فيه حاجة لكني مش قادرة أعرف إيه هي وفي نفس الوقت مش عايزة أضغط عليه علشان مش أضايقه.
فات يومين وسعادتي بإنه آخد أجازة أسبوع ومقضيينه سوا تساع الكون وتفيض بجد.
يمكن الشيء السخيف فيها هو تعبي ال بقا بيزيد..
لاحظه غيث وقرر نروح نكشف النهاردة علشان نتطمن.
أنا جهزت يا غيث يلا
يلا
يا حبيبتي
هدخل أجيب الموبايل وننزل..
دخل وجرس الباب رن ف روحت أفتحه على ما هو يخلص وننزل.
إتفضلي
هو غيث هنا
غيث!! هو مين حضرتك الأول
مين يا آية
أنا مراته!
بصيت لها بعدم فهم.. هي قالت الجملة في نفس الثانية ال هو سألني فيها ف فكرت إن بيتهيألي ف قولت أسألها تاني لكن نظرته لها ودهشته لما شافها خلتني أشك وأخاف.
حضرتك أكيد متلخبطة.
دا غيث أها بس أنا مراته.. ممكن يكون العنوان ال معاك غلط أو الاسم الأول بس متشابه!
لاء العنوان ال معايا صح وغيث ال واقف دا جوزي أنا كمان وجاية له هنا علشان أقول له يرد على مكالمات أهله لإن خالي تعبان وطالب يشوفه ولازم يروح له.
إيه الكلام دا وبعدين أنت خالك يقرب له إيه.
يبقى أبوه.
أبوه!!
يا حبيبتي قولت لك العنوان غلط بجد غيث باباه مټوفي من قبل جوازنا.
يلهوي! مۏت أبوك بالحيا يا غيث!
استغربت سكوته كل دا ف بصيت له وسألته بعيني قبل لساني
مين دي يا غيث وإيه الكلام ال بتقوله دا
آية أنا…
هو أنت لسة هتشرح لها
بقول لك أبوك تعبان ولازم تروح له.
تعرفي تمشي يا نور أنت دلوقتي مش جيتي عكيتي وخربتي الدنيا إتفضلي غوري بقا.
خرجت بعد كلامهم أنا كنت واقفة بحاول أستوعب ال سمعته كله مفيش عضو في جسمي مصدق دا أصل أكيد غيث عمره ما هيعمل فيا كدا ولو حصل.. هيعمل كدا ليه
بعد ما خرجت وقف قصادي من غير كلام بصيت له وإتكلمت أسأله نفس السؤال تاني..
مين دي وإيه ال قالته
أنا آسف.
لاء بتعتذر ليه قل لي إنها غلط وإنها غلطانة في العنوان والأشخاص..
كان ڠصب عني!
هو إيه ال كان ڠصب عنك جوازك منها ولا باباك ال عايش وقبل جوازنا عرفتنا إنه مېت
إستنى إستنى.. هو كلامك ال كان على صاحبك كنت تقصد بيه أنت!!!
طب تعالي أقعدي واسمعيني وهفهمك كل حاجة.
أفهم إيه أنا إزاي كنت مغفلة كدا إزاي ماعرفتش إن حالتك دي وراها سر زي دا إزاي مسألتكش عن اسم صاحبك ال حكيت عنه إزاي أنت تعمل فيا كدا إزاي قلبي يهون عليك بالشكل دا إزاي تكدب عليا كل السنين دي إزاي يا غيث إزاي
مقدرتش أقف أكتر من كدا ف قعدت على الأرض ونزل هو كمان قعد قصادي ومسك إيدي وإتكلم
والله العظيم أنا عمري ما فكرت أوجعك ثانية واحدة يعز عليا أشوفك كدا دلوقتي والله.
إزاي إزاي مفكرتش تعمل حاجة توجعني وأنت عملت ال كسرني وكسر قلبي إزاي يا غيث
طب ممكن تسمعيني
أنا وقت ما اتقدمت لك وقولت لكم والدي مټوفي كان هو دا الوضع بيننا هو من زمان عايز يجوزني بنت أخته وأنا برفض وفي يوم إتخانقنا جامد وطردني وقال لي إني مېت في نظره وإن أنا كمان أعتبره كذلك..
لما جيت هنا وقررت أتجوزك روحت له تاني وبرضه رفضني ومنع حد من أخواتي ييجوا معايا أنا ليا أخ وأخت منه من مراته ال إتجوزها بعد ۏفاة أمي.
الوحيد ال وافق ييجي معايا هو خالي.
الأمور كانت زي ما هي ماشية في سلام لحد ما من خمس شهور.. كلموني وقالوا لي إنه تعبان جدا روحت له وخلاني أتجوزها ڠصب عني وإلا ھيموت وهو مش راضي عني مكانش في إيدي حل تاني هو اشتغل بالاستنزاف العاطفي علشان يأثر عليها ويخليني أوافق أنفذ ال عايزه..
بس أقسم لك بالله ما لمستها ولا عمري قربت ولا هقرب لواحدة غيرك أنت.
بسمع له وأنا ساكتة مش مصدقة كل ال بيقوله أصل يعني إيه يعني أنا عيشت
السنين دي كلها
مع واحد كان بېكذب عليا ومخبي أسرار حياته عني كدا!!
إتكلمي قولي أي حاجة..
ۏجعي منك مضاعف يا غيث ۏجع إنك كاذب عليا وۏجع إنك إتجوزت عليا… ولو سامحتك على الأولى ف مش هقدر أسامحك على التانية.
أنا مستعد أرمي الدنيا كلها فداك مقابل إنك ترمي كل ال حصل دا وراك ونبدأ من جديد..
نور أنا كدا كدا هطلقها أنا بس إتجوزتها على الورق علشان خاطر أخلص من ضغط بابا
وأنا وأنت هنكمل حياتنا بأحلامنا زي ما كانت.
مفيش حاجة هتقدر تفضل على حالها بعد ال حصل دا كله يا غيث.
يعني إيه
يعني أنا عايزة أمشي عايزة أفضل لوحدي شوية.
أنا بس ال قاهرني إني مش عارفة هروح فين ول مين.. قل لي مين غيرك أروح أشتيكله منك.
قعدت أعيط على حالي يعني إيه في دقايق حياتنا تتقلب كدا يعني إيه في لحظة أعرف عنه كل دا إزاي أتخدع فيه بالشكل دا
أسئلة كتير بتدور في دماغي وأصوات كتير مش راضية تسكت.
سحبني له ف مسكت فيه جامد وأنا بسمح لصوت عياطي إنه يزيد وفضلنا كدا فترة لحد ما نمت.
في أحد المستشفيات
لسة مفيش تحسن في الحالة يا دكتور
مش هخبي عليك والله يا باشمهندس بس حقيقي التطورات بتحصل فعلا لكن بنسبة ضعيفة.
طب والحل
هتفضل كدا
هو طالما المؤشرات الحيوية إلى حد ما كويسة ف دا شيء يطمنا شوية.
بس دي كلها أيام وتتم الشهرين في الغيبوبة دي! هو دا طبيعي!
أيوا طبيعي
عايز أوضح لك إن الغيبوبة قد تكون مدتها أيام فقط أو تكون من أسابيع ل شهور وفيه غيبوبة بتكون طويلة الأمد ودي مدتها بتكون مفتوحة.. فيه ناس ممكن تدخل في غيبوبة ل سنين طويلة.
يعني إيه يعني مراتي هتقعد سنين نايمة كدا!!
…
يتبع..
الجزء الثاني والاخير
2
في أحد المستشفيات
لسة مفيش تحسن في الحالة يا دكتور
مش هخبي عليك والله يا باشمهندس بس حقيقي التطورات بتحصل فعلا لكن بنسبة ضعيفة.
طب والحل
هتفضل كدا
هو طالما المؤشرات الحيوية إلى حد ما كويسة ف دا شيء يطمنا شوية.
بس دي كلها أيام وتتم الشهرين في الغيبوبة دي! هو دا طبيعي!
أيوا طبيعي
عايز أوضح لك إن الغيبوبة قد تكون مدتها أيام فقط أو تكون من أسابيع ل شهور وفيه غيبوبة بتكون طويلة الأمد ودي مدتها بتكون مفتوحة.. فيه ناس ممكن تدخل في غيبوبة ل سنين طويلة.
يعني إيه يعني مراتي هتقعد سنين نايمة كدا!!
إهدى يا أستاذ غيث أنا مقولتش كدا..
أنا بوضح لك حاجة لكن حالة المدام وإصابتها إن شاء الله مش هتعدي الشهرين خلي عندك أمل ونفس طويل لإن هي لما هتفوق هيكون فيه بعض الأعراض السلبية المترتبة على الغيبوبة دي فلازم تكون قوي علشان تساعدها.
سيبته واقف من غير ما أرد عليه وروحت الأوضة بتاعتها وقعدت على الكرسي ال جنب سريرها ومسكت إيدها جامد وإتكلمت وأنا بحاول أتحكم في مشاعري ودموعي
كل دي غيبة يا آية دا أنت مش بيهون عليك الأيام ال بغيبها عنك في الشغل تقومي أنت ال تغيبي بقا المدة دي كلها
محستيش إني وحشتك طيب!
أخدت نفس عميق وأنا بمسح دمعة نزلت من عيني وأنا ببص على ملامحها وجسمها الهمدان ورجعت إتكلمت تاني
مكنتش متخيل إن هيكون في حياتي شخص غالي عليا وعلى قلبي للدرجة دي دي حتى أمي متوجعتش في غيابها جامد أوي كدا طلع ليك سحر عليا يا آية!
ربنا يرد وجودك ل حياتي تاني يا حبيبتي.
رفعت كفها بوسته قبل ما أحكي لها إني همشي
همشي دلوقتي يا حبيبتي وساعتين زمن وهرجع لك تاني..
حطيت إيدها جمبها
تاني وغطيتها كويس وظبطت
حالي وخرجت من الأوضة وأنا بقول للممرضة تخلي بالها منها ونزلت علشان أخرج من المستشفى كلها علشان أشوف مالك ال سايبه من إمبارح مع أخواتي وعرفت إنه بيسأل عننا كتير مالك…ابننا!
بعد ما نمت صحيت لقيتني على السرير وهو جنبي كان ماسك إيدي جامد كإني ههرب!
ابتسمت باستهزاء وأنا بفكر لو قررت أهرب هروح فين أو عند مين غيره!
لفيت براسي وفضلت باصة عليه وأنا لسة مش مصدقة ولا مستوعبة إن دا غيث غيث ال ما كان ممكن أبدا أتخيل أو يخطر على بالي إنه ېكذب عليا مش يخبي عليا حياته!
دقايق مرت في التفكير لحد ما إتنهدت وقررت أقوم وغالبا كان هو حس بيا ف فتح عيونه وقام بسرعة هو كمان
رايحة فين
متخافش يا غيث لو عايزة أهرب كنت سيبتك إمبارح بس دا مش معناه إني مسامحاك أو الكلام ال قولته ليا دا هيشفع لك عندي.. في النهاية أنت خدعتني أو بمعنى أصح خونتني!
بس أنا قولت لك إن كل دا كان ڠصب عني لو بإيدي مكنتش هسمح إن كل دا يحصل ويوصلنا لكدا.
عارف يا غيث الزواج دا مشروع غايته وهدفه الوصول ل مرحلة السكن والراحة يعني أنا المفروض أكون سكنك وملجأك وراحتك.. وبالمثل أنت كمان بالنسبة لي تكون كدا.
يعني المفروض متخبيش عني أي حاجة.
بس أنت غلط فيه حاجات خصوصية بيكون من الطبيعي جدا إن الطرفين يخبوها عن بعض.
خصوصية.. مش حياتية ولها علاقة بينا!
حبيبي ال أنت خبيته دا كانت أحداث المفروض أكون عارفاها من قبل جوازنا
تعال نعكس الأدوار كدا لو كنت أنا ال خبيت عنك جانب في حياتي وجيت أنت إكتشفته بالصدفة بعد مرور سنين كان هيكون رد فعلك إيه
ماردش عليا كان باصص لي وهو ساكت بس أوقات كان بينزل راسه وأوقات كان بيفضل باصص لي.
زفرت بضيق ورجعت أتكلم تاني قبل ما أسحب إيدي منه وأسيبه وأقوم
مجمل كل دا إنك غلطان يا غيث ولازم تكون عارف ومقتنع ب دا أنا حاليا دوري في حياتك إني الزوجة المغفلة.
عن إذنك بقا هقوم آخد دش وبعدها هجهز لك الفطار.
سحبت إيدي وقومت لكن رجعت أقعد تاني لما حسيت إني دايخة أوي وهو لف بسرعة وجه قعد قدامي وإتكلم بلهفة
أنت كويسة
كويسة أنا بس دايخة شوية.
طب أقعدي لحد ما أجيب لك حاجة تاكليها أو عصير تشربيه متتحركيش.
وهنروح نكشف علشان نتطمن إحنا مروحناش إمبارح ومينفعش نهمل علشان أي سبب تمام
خلص كلامه وقام خرج يعمل ال قاله وأنا سندت بضهري على شباك السرير وحطيت إيدي على بطني وأنا برفع راسي لفوق وبناجي ربنا يعمل ال فيه الخير.
جهزتي
أيوا.
طب يلا علشان منتأخرش…
كنت خلاص بحط آخر دبوس في الخمار وهو دخل يشوفني خلصت ولا لسة
من وقت الصبح وأنا كل شوية أحس إني دايخة ومش عايزة آكل زي عادة الفترة ال فاتت بالظبط أو يمكن أكتر ودا خلاه يقول لي أكلم الدكتورة أعرفها إننا هنروح لها النهاردة وعملت زي ما قال لي فعلا وكلمتها عرفتها.
خلصت ونزلنا وروحنا وطول الطريق ساكتين لحد ما وصلنا ودخلنا لما جه دوري.
بتاخدي العلاج مظبوط يا آية صح
أيوا كام يوم بس ال لخبطت فيهم لكن علطول باخده في مواعيده مظبوط.
كويس جدا إتفضلي على السرير..
قولتي إنك بقالك فترة بتحسي بدوخة ونفسيتك تجاه الأكل متغيرة
فعلا من حوالي ٣ أسابيع كدا أو شهر.
تمام يا آية.
خلصت كشف وراحت قعدت على الكرسي تاني ف عدلت هدومي وروحت قعدت قصادها وأنا ببص له پخوف
ف مسك إيدي يطمني قبل