غصون 1

منى بصيت لمي بغضــ,,ـب و اتكلمت بحده
= ايه اللي حصلها
عملتي في بنتي ايه

مي ببرود
= بتكلمني انا!
و انا هعمل فيها ايه يعني!
الزيت هو اللي وقع عليها هي اللي مبتعرفش تقف في المطبخ

منى بغضــ,,ـب مفرط
= يعني الزيت هو اللي وقع عليها لوحده

مي ببكاء مصطنع
= هو انتي بتتهمني بجد
انا هعمل كدا فيها ليه
جوزي قال قدامكم كلكم انه مش بيحبها و كلها شهرين و هيطلقها ايه اللي يخليني اعمل فيها كدا يعني
و لا انا عشان برا العيله و محدش فيكم طايقني

مي كانت لسه هتتكلم بس قاطعتها نبيله و هي بتتكلم بحزن مصطنع
= انا كنت معديه وقتها و شوفت فعلا الزيت و هو بيقع… على غصون و دخلت المطبخ على طول

غصون بعدت عن يونس و اتنهدت بالم
اتكلمت بدموع
= ماما ساعدني اروح اوضتي لو سمحتي

يونس بخوف
= مش هتقدر تمشي خليكي هنا احسن

مي بغضــ,,ـب

= ما تخليها تروح اوضتها

بصلها يونس بغضــ,,ـب
اتكلمت بتوتر و خوف من نظراته ليها
= اممم عشان يعني تكون مرتاحه اكتر
دا جناحنا يحبيبى و هي مش هتكون مرتاحه فيه اكيد هتحس انها عزول بينا و انا مرضلهاش بالشعور دا

غصون بصتلها بالم و اتكلمت بدموع
= ماما مش عايزه اقعد هنا ارجوكي ساعدني انا مش عارفه احرك رجلي

اتكلمت منى بحنان
= حاضر يحبيبتى بس حاولي تهدي ماشي

كانت لسه هتسندها بس يونس كان اسرع منها لما شال غصزن بحنان من على السرير و دخلها اوضتها
دخلوا كلهم وراها ماعدا مي و نبيله
مي بصيت لطيفهم بغضــ,,ـب
أما نبيله فبصتلها و هي بتبتسم بسخريه
اتكلمت نبيله بسخريه
= بس ايه رأيك

كملت و هي بتطلع الفون من جيب عبايتها و بتفتح الفيديو
بصيت مي للفيديو بخوف شديد و كانت لسه هتاخد الفون بس نبيله بعدته بسرعه و اتكلمت بسخريه
= تؤ تؤ
متخافيش انا مش هعملك حاجه و لا هوري الفيديو دا لاي حد
طبعاً انتي عارفه يونس و لو شاف اللي في الفيديو دا ممكن يعمل فيكي ايه

مي بصتلها بخوف شديد و دموع
كملت نبيله و هي بتتكلم بحزن مصطنع
= متخافيش اوي كدا انا قولتلك الفيديو دا محدش هيشوفه بس لو انتي طلعتي شاطره و بتسمعي الكلام

قالت كلامها و خرجت من الجناح و مي قعدت على السرير و هي بتبصلها بخوف و بتتخيل يونس لما يشوف الفيديو
جسمها بدأ يترعش بخوف شديد

في غرفه المكتب
اتكلم كامل بهدوء و هو بيبص ليونس
= اقعد يا يونس

قعد يونس على الكرسي المجاور للمكتب و بص لكامل بانتباه
اتكلم كامل بهدوء
= انا بكرر كلامي تاني مع ان مش عادتي بس انا مقدر اللي انت فيه
بص يا يونس بعد حصل مع غصون دا انا فيه نــ,,ـار… في قلبي و لازم اطفيها
انا انكسرت يا يونس لاول مره في حياتي بسبب اللي حصل مع حفيدتي مش هينفع افضل كدا انت لازم تطفي النــ,,ـار.. اللي جوايا انا هبعت اجيب الدكتورة تكشف على غصون