مها العسيوي الاخير،
روحت بيرى البيت واول مادخلت قابلها سليم متعصب ممكن اعرف الهانم كانت فين
بيرى بصتله وابتسمت باستهزاء ايه ده معقول سليم بيه سايب الليدى تالا وواقف مسنينى ليه ياترى
سليم بغلب يابنتى ارحمينى وارجعى بيرى بنتى الى مافيش أطيب منها انا خلاص تعبت
بيرى ببرود رجعلى امى الى انت قټلتها وانا ارجع زى الاول تقدر
سليم قرب منها ومسك دراعها بغل فوقى بقى من اوهامك دى امك هى الى موتت نفسها مش انا الى قټلتها
بيرى بعدت عنه بعصبيه انت السبب خيانك ليها هى الى وصلتها لكده وفى الاخر روحت جبت حبيبت القلب هى وبنتها وبكل برود جاى تقولى اختك طب مايمكن دى تكون بنت حرام ولازقتها فيك ماهى كانت عايشه فى بلد كل شئ فيها متاح
محستش بنفسها غير وهى وقعه على الارض من اثر القلم الى اخدته من سليم بصتله بغل وحطت اديها على خدها بتضربنى علشانهم
سليم قرب وقفها بعصبيه الغلط مش منك انا الى معرفتش اربيكى وسيبتك لام مستهتره تربيكى بس اقسم بالله لهعيد تربيتك من جديد وتالا الى بتقولى عليها بنت حرام اختك برضاكى او ڠصب عنك اختك
بيرى بصتله ببرود
رد عليها سليم بصوت عالى ايه هتقتلينى ياريت يمكن ساعاتها ترتاحى وتريحينى
بيرى قټلك زى مانت قولت هيريحك ومش ده الى انا عايزاه انا عايزه اوجع قلبك واقهرك زى ماقهرتنى على امى
سليم حس بۏجع الدنيا وهو فيه ۏجع وقهره اكتر من ان بنتى تقولى الكلام ده
بيرى بغل اكيد فيه بس الصبر
سابته ومشيت وهو قعد على اول كرسى قابله ودموعه نزلت ڠصب عنه
بعد يومين فى اشهر فندق فى البلد كانت تالا بتستعد فى جناحها بعد مالبست فساتها الابيض الى كانت فيه زى الملايكه خلصت ودخل عليها سليم واول ماشافها عنيه دمعت من الفرحه قرب منها حضنها الف مبروك ياقلب ابوكى.
تالا حبيبى يابابا الله يبارك فيك ياحبيبى
سليم باصلها قوى كانى شايف هنا قدامى بجمالها ورقتها يوم فرحنا
هنا دخلت وسمعت كلامه هو انا كنت حلوه قوى كده ياسليم
قربت من تالا حضنتها وبعدت شويه الف مبروك ياعمرى ربنا يسعدك
سليم يالا ياتوتا العربس مستنى على ڼار
تالا بصتله بزعل بابا فين بيرى بقالى كتير مشفتهاش من ساعت مبدات اجهز للجواز وهى مختفيه حتى انهارده مش باينه
سليم بضيف مداريه ابدا ياحبيبتى هتلاقيها تحت فى القاعه مستنياكى تعالى ننزل واكيد هتلاقيها تحت
هنا بصتله ومردتش تقوله انها سمعتهم وهما بيتخنقوا من يومين بس مرديتش تتدخل بينهم وخصوصا بعد الكلام الى بيرى قالته
سليم اخد تالا ونزل بيها كان مستنيها تحت جاسر الى اول ماشفها نازله سهم من جمالها قرب منه سليم وسلمه تالا بعد مابركله ووصاه عليها
قرب جاسر من تالا وبصلها بحب مبروك ياقلب جاسر
تالا بكسوف الله يبارك فيك
جاسر طب يالا علشان لو فضلت واقف هنا هطلع على فوق مش هدخل القاعه
ابتسمت تالا باحراج من كلامه ودخلوا القاعه على صوت الموسيقى الكل قرب يهنيهم وتالا عنيها بتدور فى القاعه على بيرى شويه ولقتها داخله القاعه وهى رسمه ابتسامه على وشها قربت منها وبصتلها قوى وهى بتمد اديها مبروك ياعروسه
تالا بصتلها وبصت لاديها وقربت خدتها فى حضنها الله يبارك فيكى ياحبيبتى عقبالك يارب
بيرى اتجمدت ليه كل لما بتحاول تكرها مبتعرفش ليه دايما حضنها بيريحها بعدت عنها وهى متشتته بصتلها قوى وڠصب عنها ابتسمت وراحت اعقدت وهى دماغها ھتنفجر
جاسر قرب من تالا الى عنيها على اختها حبيبى سرحان فى مين غيرى
تالا بصتله وابتسمت لا ابدا انا معاك
جاسر اخد اديها وقام طيب تعالى نرقص
وصل بدر القاعه ودخل يدور على سليم علشان يباركله ويمشى بسرعه يرجع لمريم قرب على منه بدر اتاخرت ليه
بدر والله ماكنت جاى بس مريم اصرت اجى اعمل الواجب
على طيب مجبتهاش معاك ليه
بدر لمح سليم اخد على وقرب يسلم عليه الف مبروك ياسليم بيه
سليم الله يبارك فيك يابدر
شافته بيرى قربت تسلم عليه يمكن تقدر تعرف عمل ايه مع مريم بعد مااختفى اليومين الى فاتوا ولسه هتقرب سمعت سليم بيساله عليها
مجبتش المدام معاك ليه يابدر
بدر تعبانه شويه مقدرتش تيجى معايا
بيرى فرحت وقالت لنفسها اكيد عمل فيها حاجه بس ملحقتش تفرح لما كمل سليم كلامه
مالها سلامتها
بدر ابتسم اصلها حامل وحضرتك عارف الستات فى اول الحمل بيبقوا تعبانين ازاى
بيرى الصدمه لجمتها وقفت مكانها وهى بتردد الكلمه حااامل !!!!
سليم الف مبروك يابنى يتربى فى عزك
بدر متشكر قوى يافندم انا هستاذن علشان متاخرش عليها انا جيت بس علشان حضرتك متزعلش
سليم ولا يهمك والف مبروك مره تانيه
لف بدر يمشى وهو بيبص لبيرى بنص عين وشاف صادمتها لما سمعت بخبر الحمل الى قصد يقوله لما لمحها جايه عليه
بعد ساعتين خلص الفرح والكل روح بيته والعروسين طلعوا جناحهم الى سليم اصر يحجزه ليهم دخل جاسر وهو شايل تالا الى من كتر الكسوف والخۏف همتوت نزلها ووقف قصادها وفضل عنيه عليها بصتله تالا ووشها كله بقى احمر مالك ياجاسر بتبصلى كده ليه
قرب منها وحاوط خصرها هو احنا اتجوزنا بجد ولا انا بحلم زى العاده
ابتسمت تالا لا اتجوزنا بجد
جاسر قرب منها قوى طيب ممكن اتاكد
تالا بصتله مستغربه وقبل ماتساله تتاكد ازاى كان هو رد عليها بشفايفه الى التهمت شفايفها بعشق بعد بعد شويه ياخد نفسه واتكلم وهو بينهج بصى قدامك عشر دقايق تدخلى تتوضى وتجيلى واوعى تقلعى فستانك اخرك الطرحه
تالا ضغط على شفايفها بسنانها باحراج وهزت راسها بحاضر
جاسر بص على حركه شفايفها وغمض عنيه بلاش ابوس ايدك الحركه دى وروحى يالا
مشيت تالا وهى مبتسمه اتوضت وخرجت صلوا الاتنين وبعد ماخلصوا بصلها تعالى اتعشى ياقلبى انتى اكيد مااكلتيش من الصبح
تالا عماله تفرك اديها فى بعض لا انا عايزه انام تصبح على خير
لسه هتمشى مسكها جاسر لا ياحبيبتى تصبح على خير دى لسه بدرى عليها
تالا ياجاسر انا مش جعانه صدقنى
قرب جاسر منها بخبث ولف ايده حواليها بس انا جعان قوى
تالا قلبها بيدق بسرعه رهيبه طيب روح كل
جاسر قرب منها قوى واتكلم بهمس قصاد شفايفها ومع كل كلمه كان بيبوسها بالراحه طيب مااكلى قصادى اهو
ومع اخر كلمه كانت تالا سلمت شالها ودخل بيها الاوضه يكمل اكل فيها
بعد فتره طوويله اخد جاسر تالا فى حضنه وباس جبنها قرب من ودنها وهمس مبروك ياقلب جاسر
تالا دفنت نفسها فى حضنه من احرجها ومردتش عليه ابتسم جاسر وهو بيحاول يبعدها علشان يبصلها بس هى رفضت تطلع من حضنه طيب انتى مكسوفه ليه دلوقت دانا حتى بقيت جوزك خلاص
خبطته على كتفه بايديها وهى لسه دفنه وشها فيه بس بقى والله هخصمك
حضنها جاسر قوى وباس كتفها طيب مش هتاكلى
هزت راسها بلا كمل جاسر خلاص ياحبيبتى نامى ولما نقوم هبقى اكلك قصدى ااكلك
ضحكت تالا على كلامه وشويه وراحوا الاتنين فى النوم
