مها العسيوي الاخير،
تانى يوم صحيت مريم والسعاده ماليه قلبها بصت على بدر كان لسه نايم قامت من جنبه بالراحه ودخلت الحمام اخدت شاور وطلعت كان يونس صاحى وبيلعب اخدته وطلعت بره تحضر الفطار بصت ليونس وباسته بفرحه خلاص ياقلبى بقيت ماما بجد وهفضل معاك على طول
اجى بدر من وراها حضنهم الاتنين وباسها من خدها ومافيش حضن وبوسه لباباه الى خلاكى بقيتى ماما بجد
لفتله مريم وابتسمت بكسوف صباح الخير
اخد يونس منها باسه وقعده فى عربيته ورجع اخدها فى حضنه انتى. هتضحكى عليا من اولها ولا ايه ايه الصباح الناشف ده
بصتله مش فاهمه قصده قرب منها وباسها بوسه عميقه الى ما يقال عليها بوسه مشبك وبعد شويه بعد عنها وبصلها بحب هو ده الصباح الطرى !! صبحيه مباركه يااحلى عروسه
اتكسفت مريم وراحت شالت يونس بصلها بغيظ بتهربى ماشى مصيرك تيجى تحت ايدى
ضحكت مريم عليه عايزه اطمن على يونس مش كفايه انه فضل نايم طول الليل
قرب بدر منهم بصراحه الواد ده طلع راجل قوى وعمل معايا الصح الظاهر كان حاسس ان ابوه عايز يستفرد بامه فقال خلينى نايم بدال ماابويا يشحتنى بره
ضحكت مريم لحد ماعنيها دمعت هتشحت ابنك علشان تستفرد بامه
قرب بدر منها وغمزلها واشحت ابويا كمان
مريم طيب يالا بقى افطر وادخل غير هتتاخر على الشغل
نفخ بدر بضيق يعنى ياناس يبقى النهارده صبحيتى واسيب القمر ده وانزل طب ازاى
قربت مريم منه وباسته من خده معلش ياحبيبى هتعمل ايه يعنى
بصلها بدر قوى طيب بذمتك بعد البوسه دى وكلمه حبيبى ينفع انزل واسيبك دانا استقيل احسن
قرب منها واخدها فى حضنه وهى بتهمس فى ودنه انا بحبك قوى يابدر
بدر بنفس الهمس وانا بعشقك ياقلب بدر
لسه هيخدها ويدخل الاوضه تليفونه رن كان على
مسك التليفون بضيق ورد عايز ايه على الصبح
ضحك على عليه بقى كده وانا الى قلقان عليك من امبارح بس هقول ايه من لقى احبابه
بدر بغيظ اخلص عايز ايه
على ابدا سليم بيه طلب رسومات المشروع الى حضرتك خلصتهم
بدر طيب ايه المشكله ايدهمله
على ازاى وحضرتك قافل عليهم المكتب
بص بدر بغيظ للسقف اقفل ياعلى انا جاى حسبى الله ونعم الوكيل فى اشكالك
قفل معاه وبص لمريم الى واقفه تضحك عليه بتضحكى على العموم كلها ساعه ورجعلك وشوفى هعمل فيكى ايه
مريم
سابها ودخل اخد شاور سريع وغير هدومه وطلع وقفته مريم قبل ماينزل استنى يابدر افطر الاول
بدر معلش مش هنفع اتاخر افطرى انتى وانا لما اجى هتغدا بيكى
غمزلها وسابها ونزل وهى عنيها عليه وقلبها عمال يدق ابتسمت بسعاده وهى بتدعيله ربنا يبعد عنك اى شړ ياحبيبى
نزل بدر ووقف قدام العماره يرد على على الى بيستعجله ومخدش باله من الى واقف قصاده بمسافه بعيده ورفع ايده بمسډس وصباعه على الزناد وفجاه
نزل بدر ووقف قدام العماره يرد على على الى بيستعجله ومخدش باله من الى واقف قصاده بمسافه بعيده ورفع ايده بمسډس وصباعه على الزناد وفجاه سمع صوت من وراه بيقوله مش هتستفاد حاجه من قتل بدر ياعمار بالعكس هتخسر كتير قوى
لف بسرعه ونزل السلاح يشوف مين الى وراه لقى واحده واقفه وسانده على عربيه حمرا انتى مين
ردت عليه ببرود بيرى سليم حبيبت بدر الى انت عايز تقتله
بصلها عمار قوى حبيبته !!! كيف ديه
قربت بيرى منه ايوا حبيبته ايه الغريب فى كده
ابتسم عمار باستهزاء ولما المحروس بيحبك عاد اتچوز ليه
بيرى مين قال ان بدر اتجوز !!!
عمار بنرفزه انتى مچنونه ولا ايه هجولك باعدى عنى جبر يلمك
اجى يمشى وقفت قصاده بعصبيه اتكلم بأدب يابن جابر ولا حسيبه معرفتش تعلمك ازاى تتكلم مع الستات
وقف عمار وبصلها بنص عين انتى تعرفى امى وبوى كمانى لاه بجى !!انتى شكلك وراكى حاچه عايزه منى ايه
بصتله بكبرياء تعالا وريا وانا هفهمك كل حاجه
اترددت عمار شويه بس فضوله خلاه مشى وراها وراح ركب معاها العربيه وطلعت بيرى بيها
