اسماء عبد اللطيف الاخير
بعد فتره ليست ب كبيره نزلت نهله و كانت ترتدي فستان اسود طويل علي غير عادتها
نظر إليها أدهم قائلا و هو يشير ناحية السياره
_ يلا بينا
بدون أن تنطق هي كلمه واحده صعدت إلي السياره و جلس أدهم بجوارها و أنطلق بها !
ب الفندق
شعر عمر ب الضيق لم قاله ل مها و ظل يفكر كثيرا و لا يستطيع النوم ف جلس علي الفراش و هو يحك ذقنه و ينفخ ضيقا و لكن قرر أن يتصل ب مها و الخروج معا ف أمسك ب هاتفه و ضغط علي زر الأتصال و وضع الهاتف علي أذنه منتظر الرد
كانت مها مستلقيه علي جانبها و وتضع يدها أسفل رأسها و تنظر ناحية نور النائمه علي الفراش المقابل لها و لكن رن هاتفها معلنا عن أتصالا ف مدت يدها و تناولته من علي الكومود الموجود بجانبها و ما أن رأت اسم عمر حتي هبت جالسه علي الفراش و من ثم نظرت ناحية نور قائله ب هدوء
_ نور
أجابتها نور و هي مغمضة العينان
_ اممم عايزه أيه يا مها !
_ عمر بيتصل
_ طيب ما تردي !
_ لأ لأنه قفل المكالمه في وشي !
و بعدين علي أساس إنك نايمه بتردي ليه ها !
_ ههههههه و الله أنت مجنونه و عمر التاني أجن منك !
أنتهي رنين الهاتف و أضاء ثانية ليعلن عن تكرار الأتصال
جلست نور علي الفراش قائله
_ يابنتي ردي ده شكله مصر !
_ طيب أهو
ضغطت مها علي زر الأيجاب و وضعت الهاتف علي أذنها قائله ب ڠضب
_ نعم عايز أيه يا عمر ها خلص أيييه
_ ما هو لو أنت تسكتي علشان أعرف أتكلم !
_ يا سلام ياعم ما أنت قفلت الموبيل في وشي !
_ أنا أسف ياستي حقك عليا يا حبيبتي ها خلاص كده ولا أيه
أبتسمت مها قائله
_ اه خلاص سماح عايز أيه بقي
ضحك عمر قائلا
_ عايز أيه الصراحه وحشتيني قولت أكلمك
_ طيب يا اخويا أنا عايزه أنام ومش فاضيه مش ده كلامك برضو
_ هه بترديها يعني طيب والله أنا كنت هعزمك ننزل نتعشي في مطعم كده شيك بس خلاص طالما عايزه تنامي !
جحظت عيني مها و هبت واقفه علي الفراش قائله بسرعه
_ لا لا لا مين قال إني نايمه خمس دقايق و أكون عندك تحت
_ ههه طيب ياختي هستناك
و لكن عادت مها في قرارها و توجهت ناحية الشرفه حتي لا تسمعها نور قائله ب خفوت
_ و لا أقولك يا عمر خلاص بلاش
_ ليه يابنتي أيه اللي حصل !
نظرت مها للداخل حتي تتأكد أن نور لا تسمعها و وضعت كفها علي الهاتف و فمها معا قائله ب خفوت
_ علشان نور مقدرش أسيبها لوحدها هي بتمر بظروف صعبة !
_ طيب خلاص أيه رأيك تجيبيها و نخرج أحنا التلاته سوا حتي نخليها تغير جو !
أبتسمت مها قائله
_ و الله فكره حلوه طيب يلا سلام خمس دقايق ونكون عندك تحت !
