مليكه 3
قاطع نوح ثرثرتها تلك بحده
=مليكه المحمدى شغاله هنا…
اعتدلت سوما فى جلستها قائله بصوت جعلته رقيق على قدر الامكان بينما تلوى بين اصابعها خصلات شعرها
=قصدك ميس مليكه…….
هتف نوح بصدمه بينما يعقد حاجبيه
=ميس…!!
اومأت برأسها هامسه بنبره حالمه بينما هى فى عالمها الخاص
=اممم ميس…
.لكنها سرعان ما نفضت رأسها من افكارها تلك قائله بصرامه
=وانت بقى عايز ايه يا استاذ من ميس مليكه…؟!
اجابها بهدوء بينما يضع يده بجيب بنطاله
=كنت عايز اجيب ولادى يخدوا درس عند……
ليكمل بسخريه ضاغطاً على حروف كلما.ته
=عند ميس مليكه.
هتفت سوما بغضب بينما تغضن وجهها
=ايه ده انت متجوز… يا خساره صحيح الحلو ميكملش…..
لتكمل بينما تعاود مضغ علكتها بصوت مرتفع مره اخرى فور ادراكها بانه لا يستحق تلمعها امامه
= و فين بقى القطاقيط اللى هياخدوا درس…
اجابها نوح بينما يهز رأسه بتأكيد
=هجيبهم بس محتاج اشوف ميس مليكه وهى بتشرح علشان اتاكد انها كويسه الاول…
ليكمل بينما يخرج من جيبه مبلغ من المال يضعه امامها فوق مكتبها
=بس ميس مليكه متعرفش حاجه من دى ولا تعرف ان هشوفها و هى بتشرح علشان المصدقيه
اختطفت مبلغ المال تعده بيدين مرتجفتين فقد كان مبلغ هائلاً لم تراه من قبل في حياتها غمغمت بلهاث
=لا…لا …اطمن يا استاذ مش هتعرف حاجه ابدا ده انا حتى….
قاطعها نوح و قد نفذ صبره
=هى فين…؟!
هزت سوما رأسها هامسه بارتباك وهى لازالت تعد الاموال
=هى مين….؟!
هتف نوح بغضب
=مليييكه…قصدى ميس مليكه
وضعت المال بحقيبتها قائله بدراما بينما تشير الى احدى الغرف التى فى اخر الرواق
=فى الاوضه دى يا قلب امها بتتعذب
تأهب جسد نوح فور سماعه كلما.تها تلك
=بتتعذب..؟! بتتعذب ازاى ؟!
اجابته سريعاً عندما رأته يتجه نحو الغرفه ينوى اقتحامها
=بتتعذب من العيال اللى بتديهم درس دول شياطين على طول مبهدلنها كانت يابت الشغلانه المقرفه دى انا عارفه ايه رجعها تانى للهم ده.
تركها نوح واتجه نحو الغرفة التى اشارت اليها باخر البهو لكنه تراجع الى خلف سريعاً يختبئ بجسده خلف الجدار الذى امام غرفتها مباشرة عندما رأى مليكه واقفه بمنتصف الغرفه بمظهرها الجديد الذى الذى جعل عقله يتشوش منذ ان رأه بالصباح….
وقفت مليكه بمنتصف الغرفه تضع يدها فوق رأسها بينما طلابها يتحدثون و يصرخون راكضين من حولها كأنها هواء لا وجود له صرخت بحده
=اتهدوااا بقى الله بخربيتكوا….
لتكمل وهى تتجه نحو احدى الاطفال الذي كان يضر.ب احدى زملائه بعصا فى يده حملته من اسفل ذراعيه ليبدأ الطفل بركل الهواء بساقيه صارخاً باعلي صوت لديه مقاوماً اياها
=اتنيل اترزع مكانك….انت كمان
لكن استطاع الطفل في النهايه بالنجاح في الهرب من بين يديها ركض بعيداً مخرجاً لسانه لها باغاظه بينما يرقص فى مكانه بفرح
