مليكه 3
تمتمت مليكه بصوت مرتجف
=طيب انا هعمل ايه هناك لوحدى …انا معرفش حد خالص هناك…هستناك و ابقي ارو…..
قاطعها بهدوء محاولاً بث الاطمئنان بداخلها عندما شعر بالخوف فى صوتها
=لو رضوى تقدر تجهز بسرعه و تبقى معاكى….
هتفت مليكه بفرح
=بجد يا نوح…؟!
تنحنح قائلاً بارتباك قبل ان يغلق سريعاً
=ايوه كلميها وخليها تجهز… انا لازم اقفل الاجتماع هيبدأ
اغلقت مليكه معه وعلى وجهها ترتسم ابتسامه واسعه قبل ان تتصل بصديقتها وتخبرها بالامر….
!!!!***!!!***!!!***!!!!
فى الحفل….
وقفت مليكه تتمسك بذراع رضوى كما لو كان طوق نجاتها شاعره بالارتباك من اعين الجميع المسلطه فوقها
همست رضوى بينما تملس بيدها فوق فستانها الاسود البسيط…
=مليكه انا حاسه الفستان بتاع البت نهى اختى ده عره اوى….
لتكمل وهى تتلفت حولها تتطلع الى النساء المرتديات فساتين ذات ماركات مشهوره و المجوهرات التى يرتدوها حول اعناقهم و ايديهم و التى تدل علي مدى ثراءهم
ربتت مليكه على يدها قائله بهدوء يعاكس ما يثور بداخلها
=طالعه والله زى القمر…
نكزتها رضوى فى ذراعها بخفه قائله بصوت منخفض بينما تشير برأسها خلف مليكه
=مين العقربه اللى جايه علينا دى….دى منزلتش عينيها من عليكى من وقت ما دخلنا…
التفت مليكه تنظر الى ما تشير اليه صديقتها لتجد نسرين تقترب منهم و على وجهها تعبير متغطرس و بجانبها ايتن
=دى نسرين اخت نوح ..و اللى معها دى تبقى ايتن بنت راقيه هانم و مرات منتصر امين
همست رضوى بصدمه
=يالهوى يا مليكه شايفه الفساتين اللى لبسنها عامله ازاى….
ابتلعت باقى جملتها عندما اصبحت كلاً من نسرين و ايتن يقفون امامهم اخذت نسرين تتفحصهم بنظرات تمتلئ بالازدراء قبل ان تمتم بسخط بينما تشير نحو مليكه
= ايه القرف اللى انتى لابساه ده ..نوح يعرف ان انتى خرجتى من البيت بمنظرك ده…
اجابتها مليكه بحده برغم ال
=قرف..؟! والله ميخصكيش يعرف او ميعرفش ده حاجه بينى وبين جوزى..
هتفت نسرين بحده لاذعه ضاغطه على اسنانها بغضب بينما الغيره على شقيقها تثور بداخلها
=جوزك اللى بتقولى عليه ده يبقى اخويا فاهمه…
لتكمل بازدراء وهى ترمقها من اعلى جسدها لاسفله باستعلاء
=بعدين فرحانه بنفسك على ايه…ده الفستان اللى انتى لابساه ده موضته انتهت اكتر من سنتين
ضغطت ايتن على ذراع نسرين قائله بتحذير
=نسرين اهدى الناس بقت بتبص علينا…
نزعت نسريت ذراعها من قب.ضتها قائله بغضب
=انا معرفش اتجوزك على ايه…
