مليكه 3
نهض نوح متناولاً يدها بين يديه يضغط عليها بحزم
=متقلقيش عليا انا عارف انا بعمل ايه كويس…
ربتت راقيه فوق يده التى تحيط بيدها
=مش عارفه اقولك ايه يا نوح…بس انا عارفه دماغك وعارفه ان مش من السهل ان حد يضحك عليك…و مادام بتقول بتحبها يبقى هحاول انسى اللى فات و اقرب منها يمكن يا بنى تكون اتغيرت فعلاً زى ما بتقول..
ابتسم لها نوح بهدوء قبل ان ينهض على قدميه يستعد للمغادرة
=متنسيش حفله النهارده…
اومأت له راقيه وابتسامه مشعه ترتسم فوق وجهها
=متقلقش هتبقى اكبر وافخم حفله اتعملت…
تناول يدها مقبلاً اياها بحنان
=ربنا يخاليكى ليا…
ربتت راقيه بحنان فوق رأسه
=و يخاليك لنا يا حبيبى…
ودعها نوح ثم غادر الى عمله بينما ظلت هى بمكانها والقلق لايزال ينبش مخلابه بداخلها…
!!!!***!!!***!!!***!!!!
كانت الساعه قد تجاوزت الخامسه مساءً بقليل ومليكه مازالت واقفه امام خزانة ملابسها التى علي القليل فلم يكن هناك فستان يمكنها ارتداءه لحضور الحفل استسلمت اخيراً و اتصلت برضوى متجاهله تحذير نوح لها بالابتعاد عنها هتفت فور ان اجابتها صديقتها تخبرها بالمأزق الواقعه به
=طيب ما تشوفى فى لبس ملاك يا مليكه ما انتى بتلبسى منه…
اجابتها مليكه و هى تتفحص بوجه متغضن الفستان المعلق بالخزانه
=مفيش غير فستان سهره واحد اللى لقيته فى شنطتها بس عريان اوى يا رضوى..
قاطعتها رضوى بحده
=عريان..عريان يا مليكه اومال هتروحى الحفله ازاى انتى عارفه الحفله دى بيلبسوا فيها ايه… و اختك لبسها كله كان ماركات يعنى اكيد الفستان ده ماركه برضو…
همست مليكه بينما تشعث شعرها بيدها بحركات منفعله
=مقدميش غيره..مضطره البسه اعمل ايه…
تمتمت رضوى برضا
=جدعه قومى يلا البسى مفضلش غير ساعه و نص خلصى و اتصورى و ابعتيلى صوره اشوفك…
همهمت مليكه بالموافقه وهى تنهض نحو الخزانه بخطوات ثقيله متردده نزعت الفستان الخاص بشقيقتها تتفحصه بعينين مرتعبتين لا يمكنها ان تصدق بانها سوف ترتدى مثل هذا الفستان الذى يظهر اكثر ما يخفى لكن ليس امامها حلاً اخر…
وقفت امام المرأه تتفحص مظهرها النهائى شاعره بالحرج من الخروج بمنظرها الفاضح هذا اتجهت مره اخرى نحو خزانتها تبحث بعينيها عن شئ يمكن ارتداءه بدلاً من هذا الفستان رغم معرفتها بانه لا يوجد انتفضت بمكانها عندما صدح صوت رنين هاتفها زفرت بضيق عندما رأت اسم نوح يسطع على شاشى هاتفها
=الو…
وصل اليها صوته الحازم من الطرف الاخر
=كمان نص ساعه والسواق هياخدك و يوصلك للفندق اللى فيه الحفله انا هتأخر ممكن ساعه..
